سالم الحجايا عضو جديد
عدد الرسائل : 8 العمر : 38 العمل/الترفيه : اخرى المزاج : رااااااااااايق نقاط : 20 تاريخ التسجيل : 20/05/2010
| موضوع: الشاعر محمد الاحمد السديري الأربعاء يوليو 14, 2010 10:59 am | |
| يقول :
إن صار زود المال بيدين الانذال=== حنّا من المعروف تندا يدينا
وان كانهم شرهوا على طيب الافعال===حنّا وردنا جمامها وارتوينا
وان فكّروا للجود يمشون رحّال===حنّا قبل يمشون يّمه خطينا
يا ما لبسنا للشرف كل سربال===وعلى البسيطة للفضيلة مشينا
في دوحة العربا لنا مجد وظلال===وحنّا على در المكارم غذينا
لو نجمع اللي فات منا من المال===إن كان شيدنا القصور وبنينا
نعطي ولا نتبع عطانا بالاقوال===ونبذل ونسكت كننا ما عطينا
وان باعوا الشيمة بدينار وريال===حنا دخلنا سوقها واشترينا
نطلع لها لو هي على روس الاقذال===لو هو عسير ٍ دربها ما انثنينا
بافعالنا نرسم دروب ٍ للاجيال===إلي نساها غيرنا ما نسينا
أسود سادات ٍ تسجل للاشبال===فضايل ٍ شمنا لها واهتدينا
بيض ٍ نسجلهن جديدات وسمال===حفايظ ٍ لاحفادنا اللاحقينا
نصبر على الشّدات لو شيلنا مال===لو سال دم دفوفنا ما شكينا
نخاف يلقى سدنا كل ختّال===ويبني هزيلات المعاني علينا
الليل يا خالد على والدك طال===وهنّيت ناس ٍ بالكرا نايمينا
يا عز راسي شفت ما خبث البال===شي ٍ يهوّل شيّب الجاهلينا
شي ٍ من اسبابه يشيب بالاطفال===فطّر خشوم مهجرعات الحنينا
أدير قالات ٍ عريضات وطوال===قالات خلنّ المخفىّ يبينا
منهن رزين العقل بالوقت يهتال===بوقت ٍ عبوس ٍ فطّن الغافلينا
وقت ٍ من اسبابه شكى كل ريبال===نصبر ونسكت كننا غايبينا
الناس بالأيام راحل ونّزال===تفجعهم الدنيا وهم دالهينا
وحيات رب ٍ نزل آيات الانفال===عالم خفايا نية الحاقدينا
ما اترك طريق العدل في كل الاحوال===لو يرحل المريخ للفرقدينا [i] | |
|
بلال الحجايا مدير المنتدى
عدد الرسائل : 908 العمر : 45 العمل/الترفيه : صحفي المزاج : رايق رقم العضوية : 1 نقاط : 174 تاريخ التسجيل : 14/11/2008
| موضوع: رد: الشاعر محمد الاحمد السديري الجمعة يوليو 30, 2010 7:10 pm | |
| صح لسانك ولسان القايل سلمت يداك على هذه المنقولة | |
|
ميسون مراقية عامة
عدد الرسائل : 509 العمر : 35 العمل/الترفيه : طالبة المزاج : ممتاز رقم العضوية : 10 نقاط : 50 تاريخ التسجيل : 05/12/2008
| موضوع: رد: الشاعر محمد الاحمد السديري الإثنين سبتمبر 20, 2010 9:09 pm | |
| كل الشكر لك على هذه الكتابات سلمت اناملك ودمت بعون الله | |
|