انا نعيمي وكل المجد طاولني ولا هو طال
اشيل المجد فيديني وارفع به وشيالـــــــه
انا هو راعي الصفرا وانا من هو لها خيال
انا يوم الحرايب رايتي ..الخصم ماجالـــــــه
انا وسام على صدر المراجل يالفخر لي نال
فخربي وافتخر في عزوة انعيم وعزا عيـاله
اقول انعيم يافزعه وياعزوه وكفو ارجال
اقول انعيم يانخوه واقول النعم برجالــــــــه
هويتنا شماغ احمر وفوقه مرعزين اعقــال
وفينا قلب جسر من الحجر مخلوق تمثالـــه
يعرفونا هل الفرسه من الفزعه ودم ســـال
وقول ابشر وعز وطيب للمظيوم وامثالــه
وسيف ما خذل راجي ولا لاجي يهز اجبال
نرد الحق لهل الحق ابد ما همنا عذالـــــــه
على العادي نسير ولا رجعنا والخيول اجفال
لو الموت الحمر بوجوهنا جيناه بقبالــــــــــه
وريف للعطوش اللي خدعه الما ابسراب اللال
سراب الما افحضور انعيم نبع وسال شلالــــه
عزاي اني نعيمي رافع راسي بعم وخــــال
عريب الجد متفاخر بتاريخي واجيالــــــــه
طارق النعيمي
الرئيسية 
البوابة 
أحدث الصور 
التسجيل 
دخول 
السبت نوفمبر 13, 2010 6:58 am
