ابدي بذكر اللي بنانا من الطين …محي العظام اللي تشتت رمامه
الواحدالمعبود اللي له اندين…رب الملا خلاقنا باستقامه
ومن بعد ذكر الله سيدالكريمين…قال النعيمي ابيات فيهاملامه
ما يفهمه ياكود ناس فهيمين…الشوف فيهم مبتعد في مرامه
الجاهلين اللي ابجهلهم مشيلين…خليتهمىما كنهم لي خصامه
الجاهلين اعداء انفسهم ابشين...مايدركواعلوم الرجال الفهامه
ما يسكت عن الحق غيرالشياطين..وشيطان منه ينعوج في كلامه
البدوطيبين المهاقي وزينين…فيهم صفات صعب تدرك تمامه
البدواصل وفصل زودامعروفين.ومن مايعرف الصقرما يوم سامه
بالروح في يوم الملاقى مفادين…والطيب حنا البدو ذروةسنامه
طيب ونقى وحزم وتواضع وعالين…مجلاسنابالصدر عالي مقامه
وحناالحضاره في يدينامشيدين…حضارةمامثلهابانتظامه
تاريخنامسجل وبالحق ماضين…تاريخ له صدر وحناوسامه
حناالحضاره منهامستفيدين…هل الحضاره البدو واهل الزعامه
حناحضارتنا على اصول بانين…والخيرمنها جايدين اغتنامه
اما الذي فيها المضره مخليين…والغرب حنا ما نقلدنظامه
بالعلم لا عم الدجى مستنيرين…لوالدجى فينا تزايدظلامه
العلم نور وفيه كل البراهين…العلم يبني بيوت دون انهدامه
وحناترانا يد بالعسرواللين…ولابيننا ضاعت حقوق اليتامه
ما يوم خلينا ضعاف المساكين..روف الضعيف اللي شكامن عسامه
يوم الزمن تختل فيه الموازين…نرد له عقب السقام العزامه
واللي شكى من الظيم ظيم القوانين…يبشرنعزه وفوق نرفع مقامه
حناترىدايم على الضدصلفين…وعلى بعضنا ريفينٍ حشامه
البدوحنا احرار فوق امتعلين…مثل الذي حر وصوفه عدامه
حرتعودطعن صلف المعادين…لاهدجاب الصيد مالك زمامه
حناالفخر فينا افتخر دوم وافين…والمجدفينا عز شماخ هامه
صغيرنابالعمر لو هو اربع سنين…رجال عاقل يتصف بالصرامه
وحناالكرم والجد حاتم ومعطين…فيناالعطا كما مزون الغمامه
وش جاك منها مسبة البدو ياشين…لالاتسب البدو ما هي شهامه
قول وتشره ما لمثلك ميازين…لا صرت متخفي مثيل النعامه
بعيونناما انت الهدف والنياشين…حناهدفنا نستطيع اقتحامه
ما من عتب على شبيه المجانين…مثلك وشرواك العتب به غشامه
لا قلت حنا ما نواخذك ناسين…حيثالعتب على الرجال النشامه
اما انت خلك عن علوم المسمين…لاماعليك امن الكرم والكرامه
الرئيسية 
البوابة 
أحدث الصور 
التسجيل 
دخول 
السبت نوفمبر 13, 2010 7:09 am
