سحابتي وانا وبن بلا هيل
بيض السحايب هلت ادموعها سيل......وهذي عيوني هلت المزن هطال
ذيك السحايب صابه الحزن وبحيل......يومن درت باسباب حزني وردى الحال
سحابتي وانا وبن بلا هيل..............والصمت يزعجنا بصوته الى قال
انا وهي والصمت في داجي الليل.......نبكي وتسيل ادموعنا مثل شلال
ياليل كفه ظلمة الليل ياليل.........ياليل طالت غربتك والدجى طال
ياليل والله الخيل ما كنها خيل.......من ما بها ما في لها صوت وصهال
لامات فارس تحزن الخيل في ويل......ويصيبهن ياليل ترويع وجفال
ياليل حلفتك بعدل بلا ميل ........نبغى نشوف الشمس بشروق وامال
ياليل مهما في عباتك جفا وويل......الشمس مايغطاه ياليل غربال
طارق النعيمي